Basha: Rama më ka thënë, “ti Kryeministër, unë President”, vetëm të heqim koalicionet

Lulzim Basha ka habitur sot në një konferencë për mediat, teksa kundërshtoi hapjen e listave zgjedhore.

Kryetati i Partisë Demokratike tha se ka marrë një ofertë nga Kryeministri që Basha të bëhet Kryeministër, dhe Rama President.

Sipas tij, ky ndërmjetësim ka ndodhur për 1 muaj e gjysmë me radhë, në këmbim  të heqjes së koalicioneve.

“Për një muaj e gjysmë Rama ka dërguar ndërmjetësit e tij, pothuajse çdo ditë me të njëjtin mesazh, ti Kryeministër unë President vetëm të heqim koalicionet. Ramës nuk i bëhet vonë për njerëzit. Për këtë besoj nuk ka nevojë të zgjatem sepse është në fund në ikje dhe bëmat e gjëmat e tij i njeh çdo kush. Rama merakoset vetëm për pushtetin e tij.

Ky ka qenë mesazhi i tij heqim koalicionet dhe ti Kryeministër e unë President. Kështu e sheh Rama politikën si një pazar i ndyrë, si një lojë me porta të vogla për të vjedhur dhe zhvatur shqiptarët siç ka bërë në këto shtatë vite e gjysmë”, tha Basha me gazetarët.

Kryedemokrati shtoi se “Kryeministri në ikje nuk e prek dot Kushtetutën me 122 deputetë, nga të cilët gjysma nuk përfaqëson askënd përveç se paratë e Taulant Ballës dhe favoret me të cilat janë blerë dhe shitur. Çdo hap në këtë drejtim është fund i marrëveshjes së 5 qershorit”.

/a.r