Kryetari i PD Lulzim Basha deklaroi pak më parë se situata kriminale në vend është e rëndë dhe se organet e zbatimit të ligjit janë të shpartalluara dhe se drejtuesit e policisë janë të lidhur me krimin.
“Qytetet sundohen nga bandat që kontrollojnë gjithëshka, territorin ekonominë, ndërtimin, hotelerinë, restorantet, turizmin. Kontrollojnë gjithë pushtetin politik, parlamentin dhe drejtësinë. Ekonomia e vendit në dorë të grupeve kriminale. Kudo në qytet tona kontrollohet nga bandat kriminale”, deklaroi Basha. Sipas tij Balla me bandat kontrollon Elbasanin.
Kryedemokrati Lulzim Basha, teksa ka numëruar sot ngjarjet e rënda kriminale që kanë tronditur vendin së fundi, ka nxjerrë një detaj nga përplasja mes dy grupeve me pasojë vrasjen në mes të ish-Bllokut.
“Ngjarja në Tiranë që na u shit si përplasje për një këngëtare është zbuluar se është përplasje për pazare droge. Në të janë përfshirë trafikantë të njohur dhe dokumentuar me lidhje nga pushteti. E mbani mend, kur Tahiri u nis për Gjermani pasi iu kthye pasaporta? Ishte në Gjermani me këtë Matën e përfshirë në sherrin me armë në lokal mes bandave rivale. Ka ndodhur në një lokal të preferuar të Ahmetaj dhe të ministrave dhe deputetëve të tjerë, në zemër të Tiranës”- tha Basha.
vijon
ma.me
