Kryeministri Edi Rama ka bërë me dije se me zgjedhjen e Dritan Abazoviç si kryeministër i Malit të Zi, do të ketë një ftesë zyrtare për t’iu bashkuar Ballkanit të Hapur.
“Jemi shumë të interesuar që edhe të tjerë të përfshihen se Ballkani i Hapur është krijuar për të qenë gjithëpërfshirës, dhe duke folur me kryeministrin e ri të Malit të Zi, imagjinoni sikur dikush t’ju thoshte 5 vjet më parë që Ballkani Perëndimor me 6 vende, do kishte 3 kryeministra shqiptar, sot është realitet, mund të jetë gjë e mirë ose e keqe, por nuk është pak, është shumë, sikundër është e qartë që shqiptarët në këtë kohë që kanë rilidhur urat me Euopën ecin përpara nëse dinë të sillen si njerëz të paqes, kjo është pak, por e sigurt dhe ne do e riftojmë Malin e Zi, i takon kryeministrit të Maqedonisë së Verit ta bëj ftesën.
Se samiti i ardhshëm do të jetë në Ohër në 9 dhe 10 Qershor , dhe unë nga ana ime do bëj inkurajimin tim për Dritanin që të jetë në tryezë, ka qenë optimist ndaj kësaj nisme, por vjen Mal i Zi, Kosova, apo Bosnja,Ballkani i Hapur do të vijojë, të gjithë do vijnë një ditë, kush do vijë më vonë do ketë humbur më shumë”, tha Rama.
Kryeministri Edi Rama dhe Komisioneri për Zgjerim Oliver Varheley në një konferencë të përbashkët folën për procesin e anëtarësimit të vendit në BE, si edhe u ndalën tek projekti Open Balkan.
Kryeministri Rama bëri me dije se takimi i radhës i Open Balkan do të mbahet me 9-10 qershor në Ohër, ndërsa ftoi Malin e Zi t’i bashkohet.
Komisioneri për Zgjerim Oliver Varheley u shpreh se çështja e anëtarësimit është një çështje e nxehtë , por janë të vendosur t’i shkojnë deri në fund këtij procesi.
Pjesë nga pyetje-përgjigjet:
Nëse në qershor dështon çelja e negociatave çfarë mbetet tjetër për t’u bërë?
Varheley: Kjo është çështje e nxehtë, por problemi i vërtetë është anëtarësimi i Shqipërisë në BE,. Ne për këtë po punojmë… Çështja e menjëhershme është të kemi marrëveshje për të dyja shtetet. Po sikur të dështoj unë çfarë do të bëja pastaj? Unë po përpiqem fort, por kjo kërkon durim, kjo është natyra e kësaj pune. Mbaj mend herën e parë kur kam ardhur në Tiranë, ne po punonim fort që të arrinim çeljen e negociatave edhe për RMV edhe për Shqipërinë dhe ju më bombarduat me pyetje dhe të njëjtën përgjigje ju jap edhe tani. ne duhet të jemi të përqendruar tek puna që ne po bëjmë dhe nuk ka asnjë mënyrë tjetër për të dalë nga kjo situatë. Ne do ta kemi një vendim dhe jam besimplotë që të gjithë kanë të njëjtën mentalitet…
Si i shihni ndryshimet politike në Malin e Zi dhe a keni marrë sinjale nga Mali i Zi për t’ju bashkuar ‘Open Balkan’?
Rama: Ne jemi të vendosur të vazhdojmë pa lëkundje dhe sigurisht jemi të interesuar që edhe të tjerët të përfshihen sepse ndaj është krijuar që të gjithë të përfshihen. Dhe me kryeministrin e ri të Malit të Zi ende nuk kam komunikuar, imagjinoni sikur dikush t’ju thoshte 5 vjet përpara që Ballkani Perëndimor me 6 vende do të kishte tre kryeministra shqiptar, sot është realitet, kjo mund të jetë shenjë e mirë apo e keqe nuk e di. Por sot janë tre shqiptarë kryeministra dhe kjo nuk është pak është shumë… Përpara ecin dhe fitojnë nëse dinë të sillen si njerëz të paqes, ne do ta riftojmë Malin e Zi, i takon kryeministrit të Maqedonisë së Veriut për të bërë ftesën zyrtare sepse takimi i ardhshëm do të jetë në Ohër më 9-10 qershor. Por unë do të bëj përpjekjen time që Dritani të jetë në tryezë, por vjen Mali i Zi apo jo, vjen Kosova apo jo, Ballkani i Hapur do të vazhdojë, të gjithë do të vijnë një ditë.
“Duke u kthyer tek ajo që thashë për Kosovën, ne jemi vende që kemi rëndësi relative në raport me problemet që kanë miqtë dhe partnerët tanë kështu që duhet të kuptojmë edhe pjesën tjetër, sado të drejtë të kemi, sepse përndryshe na mbyllim në banjo siç ndodh me fëmijët që i bien këmbës. për të marrë atë që na takon e marrim vetëm bashkë me partnerët tanë dhe nuk e marrim dot me forcë dhe për momentin ne i respektojmë partnerët tanë. Edhe nëse në këtë rast nuk do të ndryshojë ne do të ndryshojmë kursin, nuk do të presim Bullgarinë. Një tango dhe nuk e kërcen dot veten imagjino të hedhësh valle me shumë të tjerë. Duhet djegur me shumë kujdes shamia e beqarit”, tha Rama./m.j
