Ervin Zallumi është arrestuar nga Policia e Tiranës ditën e sotme si porositësi i vrasjes së mbetur në tentativë të Mishel Prelës, kundrejt shumës prej 80 mijë eurosh.
Për këtë ngjarje policia arrestoi edhe 4 persona të tjerë, në rolin e ekzekutorit dhe përkrahësit të atentatit.
Por përse e porositi 30 – vjeçari Zallumi, vrasjen e Mishel Prelës?
Sipas të dhënave nga policia mësohet se Mishel Kol Prela më 20 Gusht të vitit 2010 ka plagosur me thikë në Tiranë, Ervin Zallumin. Ky i fundit, ka qëndruar i shtruar në Spitalin Ushtarak për disa muaj për shkak të plagëve të marra. Më 20 dhjetor të vitit 2010, pra rreth katër muaj pas ngjarjes, policia arriti të arrestonte Mishel Prelën, i cili u dënua më pas nga Gjykata e Tiranës për veprën penale të vrasjes së mbetur në tentativë. Marrëdhëniet mes dy palëve, që prej 7 vitesh kanë vijuar të mbeten të tensionuara.
Të arrestuarit
Ervin Zallumi, 30 vjeç, lindur e banues në Tiranë.
Shkëlzen Buci, 34 vjeç, lindur në Peshkopi e banues në Tiranë
Miklar Tola , 32 vjeç, lindur dhe banues në Tiranë
Trim Hidri, 41 vjeç, lindur dhe banues në Tiranë
Ermir Tola, 22 vjeç, lindur në Peshkopi e banues në Tiranë
ROLET
Ervin Zallumin nga Tirana është personi që ka porositur vrasjen e shtetasit Mishel Prela, kundrejt shumës prej 80.000 euro, shumë të cilën do t’ia jepte shtetasit Shkëlzen Buci dhe bashkëpuntorve të tij. Shkëlzen Buci, 34 vjeç, lindur në Peshkopi e banues në Tiranë, i cila ka qenë në rolin e ekzekutorit , të cilit i është gjendur dhe sekuestruar arma e krimit.
Miklar Tola, i cili është bashkëpuntor në tentativën e vrasjes. Trim Hidri, i cili ka bërë të mundur largimin nga vendi i ngjarjes pas kryerjes së krimit, të autorëve të krimit. Ermir Tola pjestar aktiv i këtij grupi kriminal. Motive i kësaj ngjarje është hakmarrja.
a.ç
