Nuk është vetëm kryeministri Isa Mustafa, ai që është befasuar me numrin e veteranëve të luftës, të cilin e ka nxjerr komisioni i veçantë i kryesuar nga Agim Çeku.
Janë edhe komandantët e zonave operative por edhe vet organizatat e luftës që nuk pajtohen se UÇK-ja i ka pasur mbi 46 mijë ushtar.
Rrahman Rama, ish- komandant i Zonës Operative të Shalës, e që tash është në krye të Forcës së Sigurisë, përmes telefonit i ka thënë televizionit se dyshon në numrin e veteranëve që është publikuar.
Ai ka thënë se personalisht bartë përgjegjësi për veteranët e zonës së tij duke shtuar se në listën e dërguar prej tij, nuk ka asnjë veteran që nuk e meriton statusin.
Gjenerali Rama, lavdëroi edhe punën e bashkëpunëtorëve dhe procesin e verifikimin e zonës së tij.
Ndërsa, Muharrem Xhemajli, një ndër pjesëmarrësit e luftës së UÇK-së dhe ish kryetari i Organizatës së Veteranëve të UÇK-së tha se në Kosovë nuk kanë luftuar më shumë se 20 mijë luftëtarë, referon “TribunaChannel. (b.an)
