Armë dhe drogë, në pranga tre shtetas në Durrës
Policia e Durrësit ka arrestuar sot tre shtetas të cilët janë kapur në flagrancë me një një arsenal armësh, 5 kg lëndë narkotike cannabis sattiva dhe 135 fishekë. Sipas policisë, të arrestuarit janë Pjetër Shota 56 vjeç, banues në Mallkuç, Krujë; Ilir Shota 35 vjeç,banues në Mallkuç,Krujë dhe Marios Paluçi 24 vjeç,banues në Hamallaj Durrës.
Arrestimi i tyre u bë pasi në fshatin Radë,Durrës, gjatë kontrollit të ushtruar në bagazhin e mjetit tip Fiat Panda me targa AA268LB me drejtues shtetasin Ilir Shota dhe pasagjer shtetasin Marios Paluçi, iu gjetën dhe i’u sekuestruan në cilësinë e provës materiale: 5 kg lëndë narkotike e llojit Cannabis Sativa. Ndërkohë nga kontrolli i ushtruar në banesën e shtetasit Pjetër Shota,iu gjet dhe i’u sekuestrua në cilësinë e provave materiale: një armë zjarri,tip automatik, një armë zjarri, tip pushkë, një armë gjahu, tip çifte; etj.
