47-vjeçarja amerikane që akuzohej se kishte keqtrajtuar dy fëmijët e saj të adoptuar, është liruar nga Gjykata e Apelit të Tiranës, e cila vendosi ndaj saj masën e sigurimit personal të arrestit shtëpiak.
Andrea Bailey-Kay ndodhej në masë sigurie “arrest me burg” të dhënë nga Shkalla e Parë, pasi dy fëmijët e saj adoleshentë e akuzojnë se i dhunon. Dy fëmijët u larguan disa kohë më parë nga banesa e tyre, dhe u shpallën të zhdukur nga policia pas denoncimit të nënës së tyre.
Ata u gjetën disa ditë më pas nga blutë e Tiranës, dhe para efektivëve ata thanë se ishin larguar për shkak të dhunës nga nëna e tyre me shtetësi amerikane, por rezidente në kryeqytetin shqiptar. Hetimet ndaj saj do të vijojnë nga prokuroria e Tiranës për veprën penale të keqtrajtimit të të miturve.
ma.me
