Ministria e Drejtësisë ka zbardhur tabelat për 968 të dënuarit që përfituan nga amnestia, duke u liruar nga institucionet e vuajtjes së dënimit.
Ajo që bie në sy, është se mes 968 të dënuarve që fituan lirinë prej amnestisë janë edhe 38 të dënuar për vrasje.
Nga këta 38 të dënuar për vrasje, 26 ishin dënuar për vrasje me dashje, parashikuar nga neni 76 i Kodit Penal, 4 ishin dënuar për vrasje në rrethana të tjera cilësuese dhe 8 prej tyre ishin dënuar për vrasje me paramendim e kryer në bashkëpunim.
Nga amnestia nuk ka përfituar asnjë i dënuar për vrasje me paramendim. Po kështu, nga amnestia kanë përfituar vetëm 23 gra, dhe të gjitha e vuanin dënimin në Burgun e Grave në Tiranë.
Nga këto, vetëm njëra ishte dënuar për vrasje me dashje dhe njëra për vrasje me paramendim të kryer të bashkëpunim.
