Këngëtari Alis ka çelur zyrtarisht Samitin e IV të Diasporës me një performancë mbresëlënëse të këngës “Nân”, e cila u shpall fituese në Festivalin e Këngës në RTSH.
Kjo këngë do të përfaqësojë Shqipërinë në Eurovision 2026, që këtë vit do të zhvillohet në Vjenë, ku Shqipëria do të ngjitet në skenë më 14 maj.
Gjatë fjalës së tij, Alis u shpreh i emocionuar për pjesëmarrjen në këtë event të rëndësishëm dhe për mundësinë për të përfaqësuar vendin.
“Jam shumë i lumtur që jam sot këtu me ju dhe pata nderin të performoj “Nân”, kënga që do të përfaqësojë Shqipërinë në Eurovision më 14 maj në Vjenë. Falënderoj profesorët për punën e palodhur dhe korin. Shpresoj që t’ju bëj të gjithëve krenarë”, tha Alis.
Performanca e tij në hapjen e samitit u prit me duartrokitje nga të pranishmit, duke sjellë një atmosferë emocionuese dhe krenarie kombëtare.
Tiranë është kthyer në kryeqendrën e të gjithë shqiptarëve anembanë botës, ku samiti do të zhvillohet më datë 14 dhe 15 prill, ku në foks të tij do të jetë pikërisht forcimi i lidhjeve të vendit me diasporën.
