Vijon aksioni i OSHEE se në të gjithë bregdetin e Vlorës, operacioni për shkëputjen e lidhjeve të paligjshme, ka vazhduar deri në orët e vona të së mërkurës.
Në fokus të këtij aksioni kanë qenë plazhi i Zvernecit, Rradhima dhe Dhërmiu, ku përqendrimi më i madh i pushuesve shtyjnë pronarët e lokaleve dhe hoteleve të bëjnë lidhje të dyfishta.
Sipas drejtorit të OSHEE , Vlorë, Erjon Osmëni, do të ketë zero tolerancë ndaj kujtdo që do të ndërhyje në matësa të energjisë. Çdo biznes nga Vlora në Qeparo do të kontrollohen, duke luftuar abuzuesit e energjisë.
“Sot kontrolli u përqendrua në Dhërmi në disa hotele dhe restorante, dhe u shoqëruan dy persona nga policia, ku njëri nga këta kishte bërë lidhje të paligjshme, ndërse tjetrit ju gjet matësi pa vula.
Dua t’ju bëj me dije qytetarëve se OSHEE si ditën dhe natën, do të bëjë kontrolle deri në eliminimin e humbjeve jo teknike nga qytetarët që abuzojnë me energjinë elektrike”, tha Osmëni
Në Dhërmi ka pasur dhe raste të kundërshtimeve nga pronarët e lokaleve dhe hoteleve ku është dashur dhe ndërhyrja e policisë. Po ashtu janë shoqëruar dhe dy pronar lokalesh të cilët kishin bërë lidhje të dyfishta. Aksioni do të vijojë përgjatë gjithë sezonit veror duke sensibilizuar çdo subjekt dhe qytetar.
a.ç
