Një aksident i rëndë ka ndodhur në Pejë, ku një automjet ka përplasur sot dy fëmijë të mitur.
Sipas mediave të Kosovës, një nga fëmijët është dërguar në Spitalin e Prishtinës për shkak se gjendja e tij është më e rënduar.
Ndërkohë fëmija tjetër mësohet se po merr mjekim në spitalin e Pejës.
“Një person është ndaluar për 48 orë me urdhër të prokurorit të shtetit për shkak të veprës penale ‘Rrezikimi i trafikut publik’, ku janë goditur nga vetura dy të mitur këmbësorë. Njëri prej tyre është dërguar për trajtim mjeksor në QKUK, kurse tjetri ne Spitalin e Pejës. Dy të miturit kanë lëndime të rënda trupore”, tha zëdhënësi i Prokurorisë Themelore të Pejës, Shkodran Nikçi.
