Një grua ka gjetur vdekjen si pasojë e një aksidenti të rëndë të ndodhur mbrëmjen e sotme në aksin rrugorë Lezhë -Shkodër.
Raportohet se ka ndërruar jetë L.D., 60 vjeçe, e cila ndodhej pasagjere në motoçikletë ku edhe ka marrë dëmtime të rënda, bashkëshorti shtetasi F.D., 62 vjeç, banues në Dajç, drejtuesi i motoçikletës.
Aksidenti i rëndë ka ndodhur rreth orës 19:30, në aksin rrugor Lezhë-Shkodër, në fshatin Dajç, ku një makinë tip “Benz” është përplasur me një motor.
Drejtuesi i makinës është shoqëruar në ambientet e Komisariatit të Policisë Lezhë, për veprime të mëtejshme.
/b.h
