Kryetari i Partisë Agrare Ambientëliste, Agron Duka paralajmëron se pas përfundimit të Gazsjellësi TransAdriatik (TAP), cilin rritja ekonomike e Shqipërisë do të nisë një rrokopujë të pashmangshme.
Në një postim në rrjetet sociale, Duka shkruan se “Problemi që shtrohet në këtë moment është me çfarë do të zëvendësohet ky investim, pa të cilin rritja ekonomike e Shqipërisë do të nisë një rrokopujë të pashmangshme?”.
Sipas Dukës, Por pavarësisht udhëkryqit të madh në të cilin gjendemi, debati kombëtarë mbahet peng nga ngjarjet dhe skandalet e ditës, të cilat janë treguese të një paaftësie të frikshme për të prodhuar një mendim strategjik afatgjatë për të ardhmen e ekonomisë tonë.
Postimi i plotë:
Gazsjellësi TransAdriatik (TAP) ka përfunduar 99 % të punës në Shqipëri.
Në total TAP do të ketë një gjatësi prej 878 kilometrash prej të cilave 550 kilometra janë në Greqi, 215 kilometra në Shqipëri, 105 kilometra në Detin Adriatik dhe 8 kilometra në Itali.
Investimi i plotë për ndërtimin e TAP në Shqipëri është 1,5 miliardë euro, duke u bërë kontribuesi më i madh në stokun e Investimeve të Huaja Direkte (IHD).
Problemi që shtrohet në këtë moment është me çfarë do të zëvendësohet ky investim, pa të cilin rritja ekonomike e Shqipërisë do të nisë një rrokopujë të pashmangshme?
Tregu në Shqipëri është në tkurrje. Popullsia po ulet, rënia e popullsisë së bashku me rënien e fuqisë blerëse e bën tregun jo interesant duke shtyrë kompanitë e huaja të mos shohin mundësi për të investuar në ekonominë tonë.
Këtij alarmi për nevojën urgjente për tërheqjen e investimeve të huaja direkte e kanë ngritur edhe institucione ndërkombëtare si Banka Botërore dhe Fondi Monetar Ndërkombëtar.
Por pavarësisht udhëkryqit të madh në të cilin gjendemi, debati kombëtarë mbahet peng nga ngjarjet dhe skandalet e ditës, të cilat janë treguese të një paaftësie të frikshme për të prodhuar një mendim strategjik afatgjatë për të ardhmen e ekonomisë tonë.
Në prag të sezonit të ri politik, dhe peshën e rëndë e një të ardhmeje që duket e zymtë për sipërmarrjen dhe investimet, uroj që dilemat e Parlamentit mos të fokusohen tek mbijetesa politike deri në pushimet e ardhshme, por tek sfidat që duhet të përballojmë si shoqëri.
ma.me
