Segmentet e drejtë rrugorë janë shkaktarët kryesore të aksidenteve të rënda në Shqipëri për vitin 2015. Ministria e transporteve ka zbardhur listën e 240 pikave të zeza të rrugëve të Shqipërisë, ku kanë ndodhur numri më i madh i aksidenteve për harkun kohor 2008-2015.
Numri më i madh i këtyre pikave të zeza është i përqendruar në zonat me dendësi më të madhe të popullsisë, në Tiranë e Durrës.
Kryeqyteti numëron plot 50 pika të zeza, ndërsa Durrësi 34. Superstrada Tiranë Durrës përmban një numër të konsiderueshëm pikash të zeza, pjesa më e madhe e të cilave përqendrohen në pikat hyrëse dhe dalëse të saj.
Një numër shumë i madh aksidentesh ka ndodhur në superstradën Tiranë Lezhë, një tjetër segment i drejtë ku automjetet lëvizin me shpejtësi të madhe. Numërohen më shumë se 20 pika të zeza në këtë segment.
Numër të madh aksidentesh janë regjistruar edhe në vazhdimin drejt Shkodrës së këtij segmenti, ku numërohen mbi 10 pika të zeza. Vetë Shkodra numëron një numër të madh prej më shumë se 10 pikash të zeza, shumica e të cilave të përqendruara në unazën e madhe të qytetit.
Në vitin 2015 kanë ndodhur 1992 aksidente rrugore, 270 persona prej të cilëve me vdekje, 402 persona janë plagosur dhe 2020 janë plagosur lehtë. Duke ju kthyer hartës nga Shqipëria e Mesme në Jug, segmenti Durrës Kavajë numëron rreth 15 pika të zeza. Më shumë se 10 pika të zeza rezultojnë nga Kavaja në Elbasan, ndërkohë që në drejtim në jugut, numri i pikave të zeza pakësohet dukshëm.
Segmenti Pogradec Korçë numëron 7 pika të zeza. 4 pika të zeza vërehen në segmentin Korçë-Kapshticë. Rruga Transballkanike e Vlorës numëron pesë pika të zeza. Segmenti Tepelenë Libohovë numëron 7 pika të zeza./ shqiptarja.com/a.k
Lista_e_Pikave_te_Rrezikshme_ne_Rrjetin_Rrugor_(Black_Spots)_-_Viti_2015_001
