Suedia dhe Ukraina janë dy skuadrat e fundit të kualifikuara për në Europianin “Francë 2016”.
Gjatë mbrëmjes së djeshme, Suedia edhe pse ka barazuar me rezultatin 2-2, ka arritur të dal triumfuese në duelin skandinav, falë fitores së arritur në ndeshjen e parë me rezultatin 2-1.
Shifrat 2-2 sollën pashmangshmërisht në kujtesë të njëjtin barazim ndodhur 11 vjet më parë, kur në ndeshjen e fundit në grup në Euro 2004, dy skuadrat skandinave kaluan më tej, duke eliminuar Italinë. Shorti i keq i vuri përballë dhe tani ata që qeshin nga barazimi 2-2 janë vetëm suedezët e Ibrahimoviçit, i pranishëm në fushë edhe 11 vjet më parë, ashtu si trajneri Morten Olsen në stolin e Danimarkës.
Nga krahu tjetër në përballjen e zhvilluar në Slloveni, Ukrainasit kanë arritur, që përmes një barazimi 1-1 të ruajnë avantazhin e ndeshjes së parë, të fituar me rezultatin 2-0.
Tashmë me përfundimin e këtyre dy takimeve plotësohet kuadri i 24-skuadrave pjesëmarrëse në Europianin “Francë 2016”, ku do të jetë edhe Shqipëria. Më 12 Dhjetor do të hidhet shorti ku 24-skuadrat do të ndahen në 6 grupe.
Video Player
Rezultatet e Play off
Hungari- Norvegji (1-0) 2-1
Irlandë-Bosnja Hercegovina (1-1) 2-0
Slloveni-Ukrainë (0-2) 1-1
Danimarke-Suedi (1-2) 2-2
