Vijareal kërkoi me kot të përmbysë sot në “Ceramica” humbjen 2-0 të ndeshjes së parë gjysmëfinale të Ligës së Kampioneve ndaj Liverpulit. Por për skuadrën e Unai Emeri nuk do të ishte e thjeshtë, pasi i mungonte lojtari më i rëndësishëm i sulmit në duelin e sotëm. Por megjithate e nisi mire dhe shenoi dhe 2 gola. Ne pjesen e dyte Liverpool i shenoi plot tre gola duke mos lene shume mundesi per parashikimin ndryshe.
Holandezi Danzhuma nuk ia ka dalë të rikuperojë në kohë dhe për këtë arsye mungoi në sfidën e sotme, të cilën e ndoqi nga tribuna. Ndërkohë, janë rikuperuar Albiol, Kokelë dhe Gerard Moreno.
Nga ana tjetër, Klop ka kthyer në rreshtimin titullar Diogo Zhota, duke ulur në stol Luis Diaz, pasi besonte se portugezi do të ishte në një formë më të mirë për ndeshjen e shpejtë që pritej sot në fushën e lojës.
LIVE VIJAREAL-LIVERPUL 2-33′ Dia, 41′ Kokelë / 62′ Fabinjo, 67′ Luis Diaz, 74′ Mane
NGJARJET KRYESORE
74’ GOOOL LIVERPULI. Kundërzbritje e jashtëzakonshme e të kuqve, Mane eviton Rulin që doli nga zona e tij dhe pastaj e kishte të thjeshtë të dërgonte topin në rrjetë.
67’ GOOOL LIVERPULI. Aleksander-Arnold dërgon një harkim të kalibruar për Luis Diaz i cili me dy tentativa dërgon sferën në rrjetë.
66’ Luis Diaz i afrohet golit të dytë për Liverpulin. Ai shfaqet në krahun e majtë dhe lëshon një gjuajtje të devijuar nga Albiol që prek shtyllën e përfundon jashtë.
62’ GOOOL LIVERPULI. Fabinjo shfaqet i vetëm në zonë duke iu shmangur pozicionit jashtë loje dhe mposht Rulin me një gjuajtje që kalon mes këmbëve të portierit.
55’ Fati ndihmon Vijarealin. Një gjuajtje e Aleksander-Arnold devijohet nga Kokelë dhe përfundon në traversë.
40’ GOOOL VIJAREALI! Spektakël i spanjollëve që gjejnë barazimin me Kokelë pas një gjuajtje me kokë pak hapa larg kuadratit, Barazohet plotësisht bilanci i duelit.
37’ Kërkon penallti Vijareali. Lo Celso shfaqet para Alison dhe mundohet të kalojë portierin i cili ndërhyn në këmbët e tij dhe e rrëzon, Makeli konfirmon goditje këndi mes protestave, edhe pas verifikimeve nga VAR.
14’ Keita tenton me një gjuajtje të befasishme nga jashtë zonës, sfera prek pjesën e sipërme të traversës dhe përfundon jashtë.
3’ GOOOL VIJAREAL! Aksion i shpejtë i ekipit vendas që hap mbrojtjen e Liverpul dhe i jep mundësinë Dia të shënojë një gol të rrufeshëm.
