Një person i armatosur me thikë ka plagosur shtatë të të tjerë, në Zvicër.
Ngjarja ka ndodhur në Salez, në trenin e linjës midis Buchs dhe Altstätten, në kantonin e St. Gallenit. Para se t’i sulmonte me thikë, agresori ka derdhu lëndër djegëse dhe i ka vënë flakën vagonit.
Shtatë pasagjerët kanë marrë plagë serioze nga thika e agresorit, një 27-vjeçar zviceran.
Midis të plagosurve, është edhe një fëmijë i moshës 6 vjeç.
Forca të shumta policore, zjarrfikës dhe ambulanca janë në zonë, të mbështetur edhe nga tre helikopterë.
Të plagosurit, përfshirë agresorin, janë shtruar në spital, ndërkohë që dëmet në tren shkojnë në rreth 100 mijë franga zvicerane.
