Papa Françesku ka thënë në meshën e Krishtlindjes se Zoti i do të gjithë madje edhe më të këqijtë prej nesh. Duke folur para mijëra njerëzve gjatë meshës së festës së Krishtëlindjes në Bazilikën e Shën Pjetrit në Vatikan Papa Francesku tha se “Ju mund të keni ide të gabuara, ju mund të keni bërë një rrëmujë të plotë të gjërave, por Zoti vazhdon t’ju doje”.
“Le të mos presim që fqinji ynë të bëhet i mirë përpara se të bëjmë një vepër të mire për të, le të mos presim që kisha të jetë e përsosur përpara se ta duam atë, dhe të mos presim që të tjerët të na resketojnë përpara se ne t’i shërbejmë atyre. Le ta nisim gjithçka nga vetja. Zoti nuk ju do sepse ju mendoni dhe veproni në mënyrën e duhur. Dashuria e tij është e pakushtëzuar; nuk varet nga ju. Çfarëdo që të shkojë keq në jetën tonë, çfarëdo që të mos funksionojë në Kishë, pavarësisht problemeve që ka në botë, kjo nuk do të shërbejë më si një justifikim”.
Në mesin e atyre që morën pjesë në meshë ishin edhe disa fëmijë nga disa vende të botës, përfshirë Venezuela, Iraku dhe Uganda, nje tregues se në vëmendjen e Papës, si udhëheqës i 1.3 miliardë katolikëve, janë edhe emigrantët dhe viktimat e luftës. /e.s/
