Teksa i ofrohemi fundit të fushatës elektorale për zgjedhjet e 14 majit, liderët e partive politike vazhdojnë takimet intensive në bashkitë e vendit për prezantimit e kandidatëve.
Kryeministri Edi Rama ndryshe nga sa deklaroi se PS nuk do të kishte një fushatë ‘bombastike’ na ka treguar të kundërtën.
Nga sheshi ‘Skënderbej’ Rama u la porosi 61 kandidatëve që të bëjnë një fushatë me sa më pak shpenzime, premtim ky që zgjati shumë pak.
Tashmë në rrugët e Tiranës, por jo vetëm na shfaqen postera elektorale e billbordera.
Ajo çfarë bie më shumë në sy është në këto takime e gjithë vëmendja përqendrohet tek Rama, dhe jo tek prezantimi i programeve që kandidatët përkatës duhet t’u përcjellin qytetarëve të cilëve u kërkojnë edhe votën.
Në takimet e tij elektorale ku nuk kanë munguar edhe shpenzimet sidomos ironitë apo fyerjet për kundërshtarin politik.
Ndërsa lançoi edhe këngën që tashmë e shoqëron në takime të ndryshme, duket sikur e ka kthyer në një fushatë koreaografike, ku mungon llogaridhënie ndaj qytetarit.
“Luzi e di një drejtim, shkon vetëm përpara, ju mbetët duke shkuar mbrapa. Luzi është vetëm avanti. Ç’e keni këtë zakon që doni mbrapsht gjithmonë, s’e kuptoj?”, tha Rama në takimin e zhvilluar në Kavajë gjatë prezantimit të kandidatit të PS për këtë Bashki, Redjan Krajli.
“Për Piso keni pisat”, u shpreh Rama gjatë takimit në Sarandë.
“Të diskutosh zgjedhjen mes kandidatëve tanë dhe kandidatëve të zorrës qorre, është të mos jesh në rregull. Nuk po shkon në stadium”, ka thënë më herët kryeministri, në një tjetër takim.
Një zhele që del përditë rrugëve, e merr në gojë gjithë dynjanë, sikur është i çmenduri i lagjes. Kam ca video për ata atje. Po ta kishit këtu në lagje njërin, do t’u kishit thënë ta mbyllnin në shtëpi”, u shpreh Rama.
Po ashtu më herët teksa ka kërkuar votën nga Kavaja e Rrogozhina, Rama teksa lëshoi një mori sulmesh për rivalët, nuk ka ngurruar t’i quajë kandidatët e tij gomerë, sipas tij punëtorë.
“Të shkosh të ngarkosh dru, të kesh alamet gomerësh si puna jonë e të marrësh qen të ngarkojnë dru, nuk bën vaki. Qeni nuk ngarkon dot dru. Se në vend të ngarkosh dru ha edhe ndonjë kafshim pastaj. Kjo është historia e thjeshtë, kush i ngarkon drutë dhe kush i çon në vend. Për këtë është vota”, deklaron Rama.
