Një zjarr ka rënë gjatë ditës së sotme në kodrat e fshatit Bërdicë në Shkodër.
Mësohet se zjarri ka rënë pranë banesave, por fatmirësisht nuk ka pasur lëndime në njerëz dhe as dëme materiele te godinat, pasi forcat zjarrfikëse ndërhynë në kohë për neutralizimin e flakëve.
Mësohet se 12 banesa ndodheshin afër zonës së zjarrit. Si pasojë e zjarrit dhe përhapjes së flakëve, janë djegur 4-5 dynym shkurre dhe ferra.
Nuk dihen ende shkaqet e këtij zjarri, por mendohet se shkak kanë qenë temperaturat e larta./a.m.
