Aeroporti Alicante në Spanjë është evakuuar pasi një zjarr ka shpërthyer, gjë që ka shkaktuar edhe anulimin e disa fluturimeve.
Sipas mediave të huaja, qindra pasagjerë dhe stafi mendohet se janë larguar me shpejtësi nga ndërtesa si pasojë e flakëve.
Pasagjerja Helen Oakwater ka thënë se ajo ishte lënë duke pritur në parkun e makinave pasi u nxorën jashtë terminalit.
“Zjarri dukej se ishte në një çati. Ishte mbi zonën e aterrimit. Ju mund të shihnit tymin dhe flakët. U desh një kohë para se të evakuoheshin”, thotë ajo.
Një zëdhënës i aeroportit konfirmoi se një pjesë e çatisë së terminalit ishte përfshirë nga zjarri, megjithëse flakët thuhet se kanë filluar në zyrat më poshtë.
Zyrtarët tani kanë konfirmuar që katër fluturime janë devijuar – tre për në Murcia dhe një për në Valencia. /e.s/
