Një zjarr i fuqishëm në klubin e natës ”Colectiv”, në rrugën ”Tabacarilor”, në qendër të Bukureshtit, shkaktoi dje 27 të vdekur dhe 145 të plagosur, njoftuan zyrtarë të Inspektoriatit të Situatave të Emergjencës.
”Në skenën e ngjarjes shkuan gjashtë ekipe zjarrfikësish si edhe një numër i madh autoambulancash”, shtuan ata.
Për këtë ngjarje kanë filluar edhe hetimet e rastit.
Ndërkohë, ministri i Brendshëm rumun, Gabriel Oprea deklaroi se Ministria e Brendshme rumune është në gjendje alarmi pas zjarrit të shkatërroi plotësisht këtë klub nate.
”Kjo është një tragjedi e madhe. Ministria e Brendshme ndodhet në gjendje alarmi. Kam informuar për ngjarjen edhe presidentin Iohannis. Ka 27 të vdekur”, deklaroi Oprea në vendin e ngjarjes.
