Presidenti amerikan Donald Trump ka deklaruar se po shqyrton mundësinë e zhvendosjes së trupave amerikane nga bazat në Itali, ndërsa ka refuzuar të komentojë mbi letrën e përgjigjes së Iranit.
Në një telefonatë ekskluzive për gazetën italiane Corriere della Sera, Trump tha se vendimi për trupat “është ende në shqyrtim”, duke mos dhënë detaje të mëtejshme.
I pyetur për postimin e tij të fundit në rrjetin Truth, ku kishte shpërndarë një artikull të vjetër të Matteo Salvini-t, ai u përgjigj shkurt: “Sepse e konsiderova të përshtatshëm.”
Duke folur për kryeministren italiane Giorgia Meloni, Trump u shpreh kritik, duke thënë se “Italia nuk ishte aty kur kishim nevojë për të”, duke shtuar se SHBA-të kanë qenë gjithmonë në mbështetje të Italisë.
Ai përsëriti të njëjtin qëndrim edhe kur u përmend mundësia që Italia të ndihmojë me pajisje për çminimin detar pas një armëpushimi të mundshëm në Iran.
Sa i përket letrës së pritur nga Irani, Trump deklaroi se për momentin nuk do të japë asnjë koment.
