Një 43-vjeçar nga Mallakastra rezulton i zhdukur prej ditës së djeshme, por prindërit e tij ngrenë dyshime për një rrëmbim të mundshëm. Sipas babait të 43-vjeçarit, nga djali i tyre, Lavdosh Avdulaj, nga fshati Ninësh nuk kanë asnjë kontakt prej orës 01:00 të së premtes.
“Dyshojmë për rrëmbim, pasi ai u zhduk pas orës 01:00. Në këtë orë pashë të largohej një makinë. I kërkojmë policisë të zbardhë ngjarjen”, thotë babai i 43-vjeçarit.
Pas denoncimit të familjarëve të Lavdosh Avdulajt, policia është vënë në lëvizje për zbardhjen e ngjarjes.
