Kremlini përgënjeshtroi sot çdo përfshirje ruse në një sulm kibernetik masiv kundër grupit të internetit “Yahoo!”, akuzuar veçanërisht nga atoritetet amerikane për dy anëtarë të shërbimeve sekrete ruse (FSB).
“Është e pamundur që një administratë ruse duke përfshirë këtu FSB, të jetë përfshirë zyrtarisht në akte të paligjshme në hapësirën kibernetike”, deklaroi për shtypin zëdhënësi i Kremlinit, Dmitri Peskov.
Autoritetet amerikane akuzuan dje shërbimet sekrete ruse FSB si përgjegjëse të një sulmi kibernetik masiv kundër grupit të internetit Yahoo duke shtuar një provë të re në akuzat për ndërhyrjet ruse në sistemet informatike të SHBA-së.
Ministria amerikane e Drejtësisë njoftoi në total katër të akuzuar për këtë sulm, që kishte nisur në vitin 2014 dhe është konsideruar si një nga më të mëdhenjtë të realizuar ndonjëherë në botë, me të paktën 500 milionë llogari përdoruesish të kompromentuar dhe informacione të vjedhura që kanë zgjatur deri në vitin 2016.
MA.ME
