Afro 47 milionë britanikë i drejtohen sot kutive të votimit për të zgjedhur partinë që do i qeverisë. Mes votuesve është edhe këngëtarja shqiptare Dua Lipa. Ajo i ka bërë thirrje britanikëve të votojnë, ndërkohë ka bërë publike edhe votën e saj e cila shkon për laburistët.
“Ju lutem zgjohuni dhe votoni sot. Votoni për kë të doni, vetëm votoni. Vota juaj numërohet. Është e rëndësishme ta keni fjalën në të ardhmen tuaj. Vota ime shkon për laburistët”, ka shkruar Dua Lipa në llogarinë personale në Instagram.
Partia Konservatore e kryeministres Theresa May pritet të rrisë numrin e deputeteve në Parlamentin britanik. Sondazhet më 4 qershor e kanë nxjerrë atë në epërsi me rreth 43 përqind të votave, përballë Laburistëve me 36 deri në 37 përqind.
