Vijojnë të numërohen votat e zgjedhjeve të mesit të mandatit në SHBA. Deri më tani, ende nuk ka ndryshuar rezultati për Dhomën e Përfaqësuesve, megjithatë republikanët janë në rrugën e duhur për të marrë kontrollin.
Nga ana tjetër, beteja për Senatin është shumë e fortë sidomos në Xhorxhia, Pensilvani, Arizona dhe Nevada.
Kryetarja e Dhomës Amerikane Nancy Pelosi u rizgjodh në Kaliforni.
Në një nga garat kryesore, atë për guvernatorin e Floridas, fitoi me lehtësi rizgjedhjen guvernatori republikan Ron DeSantis.
Demokratja Maggie Hassan ka shmangur një sfidë të vështirë për vendin e saj në senat në New Hampshire, ndërsa republikani JD Vance ka fituar në Ohio.
Republikani Brian Kemp ka mundur demokraten Stacy Abrams në garën e ashpër për guvernator në Xhorxhia.
Pritshmëria për rezultatet zyrtare po rritet, ndërkohë që duket se “vala e kuqe” e republikanëve , e parashikuar nga shumëkush, nuk ka nisur të pushtojë Kongresin. Votimi afatmesëm nuk ka shënuar as një hap përpara për demokratët, të cilët synojnë të ruajnë të paktën shumicën e dobët në Senat, ku rezultati është 46 me 46 me 8 shtete ende për t’u përcaktuar.
/a.r
