Pala kosovare ka ngritur një Task Forcë, e cila do të negocioj për lirimin e policit Nehat Thaçi, i cili ditë më parë u arrestua nga Serbia.
Në krye të saj do të jetë Zëvendëskryeministri Hajredin Kuçi, ndërsa aty do të përfshihen edhe institucionet tjera përfshirë MPJ’në, MPB’në, Zyrën e Kryeministrit dhe Ministria e Drejtësisë.
Negociatat, sipas praktikave të deritashme pritet të lehtësohen nga BE.
Ministria e Punëve të Brendshme dhe ajo e Punëve të Jashtme kanë hequr dorë nga tentativat e tyre për lirimin e drejtorit Nehat Thaçi të arrestuar gjatë ditës së enjte në Serbi.
Burime të Gazetës Express, brenda këtyre ministrive bëjnë me dije se për këtë çështje nga e hëna do të merret Zëvendëskryeministri, Hajredin Kuçi.
Sipas të njëjtave burime, Kuçi pritet që të negociojë me palën serbe, por edhe me zyrën e BE’së për lirimin e Nehat Thaçit. (b.an)
