Tapeti blu i ceremonisë së këtij viti të Emmy Awards u ndez nga prania e yjeve më të shquar të Hollywood-it, mes të cilëve spikatën Zendaya, Selena Gomez, Colman Domingo dhe Nicole Kidman.
Edicioni i sivjetshëm, i cili nderon prodhimet televizive më të spikatura të sezonit, u organizua në zemër të Los Angeles-it të hënën, duke mbledhur kremen e ekranit të vogël amerikan.
Peacock Theater mirëpriti figure të njohura të televizionit, të cilat shkëlqyen në veshje të lë pa frymë nën blicet e pandërprera të fotografëve dhe nën brohoritjet e adhuruesve të tyre.
Një detaj që tërhoqi vemendjen ishte braktisja e traditës së tapetit të kuq – organizatorët zgjodhën një tapet blu, duke i falur mbrëmjes së madhe një atmosferë të re dhe disi ndryshe.
Një çast historik i këtij edicioni ishte triumfi i aktorit uellsian Matthew Rhys, i cili realizoi diçka të pashëmbëllyer në analet e Emmy Awards: ai fitoi dy çmime të mëdha aktrimi në një mbrëmje të vetme. Fillimisht u kurorëzua si aktori më i mirë në një mini-serial për rolin në “The Beast in Me”, e më pas u rikthye në skenë për të marrë çmimin e aktorit më të mirë në një serial komedi falë interpretimit në “Widow’s Bay”.
Në kategoritë kryesore, vlerësime morën gjithashtu disa prej serialeve që kanë mbizotëruar bisedat e publikut, si “DTF St. Louis”, “Widow’s Bay”, “The Pitt” dhe “Hacks”.
Përpara se ceremonia të niste zyrtarisht, gjithë fokusi ishte te parakalimi i artistëve në tapetin blu, ku aparatet fotografike dokumentuan çdo paraqitje dhe çdo detaj unik të veshjeve të yjeve.
Si një nga shfaqjet më të rëndësishme të industrisë televizive në Shtetet e Bashkuara, Emmy Awards këtë vit bëri bashkë në Los Angeles yjet më të dashur të showbiz-it. Nga Zendaya dhe Selena Gomez e deri te Nicole Kidman dhe Colman Domingo, sfilata në tapetin blu mbetet padyshim një nga tablotë më të fotografuara të gjithë ngjarjes.
