Policia e Kosovës ka pranuar një shkresë nga Zelanda e Re me anë të së cilës ju kërkohet të gjitha mediave dhe opinionit publik që te heqin pamjet të cilat tregojnë sulmin terrorist që la të vdekur 50 persona. Duke i konsideruar pamjet e sulmit si të kundërligjshme nga Zelanda e Re jane dërguar shkresa.
Policia e Kosovës, teksa e kanë shpërndarë shkresën e pranuar nga Zelanda e Re, kanë kërkuar njëkohësisht që pamjet të fshihen dhe nëse dikush ka informacione se të njejtat figurojnë në ndonjë faqe t’i raportojnë në polici.
Komunikata e plotë:
Policia e Kosovës (PK) me qëllim, të informimit të mediave dhe opinionit publik, ju adreson këtë njoftim zyrtar i cili ka të bëjë me një shkresë të pranuar përmes kanaleve zyrtare nga Zelanda e Re.
Shkresa zyrtare e pranuar nga Departamenti i Punëve të Brendshme i Zelandës së Re, i referohet tragjedisë së ndodhur në Christchurch, i cila u vlerësua si sulm terrorist, dhe me këtë rast Zelanda e Re është duke bashkëpunuar me partnerë vendor dhe ndërkombëtar, përfshirë edhe Policinë e Kosovës, që t’i largoj pamjet online në lidhje me sulmin.
Të njëjtit kanë konsideruar se pamjet e këtij sulmi janë të kundërligjshme dhe të pa këndshme sipas ligjit të Zelandës së Re, andaj përmes partneritetit dhe bashkëpunimit të ndërsjellët kërkojnë edhe ndihmën tonë në largimin e kësaj pamje online të këtij sulmi dhe shpërndarjen e mesazhit të tyre.
Policia e Kosovës si institucion i zbatimit të ligjit, me qëllim të bashkëpunimit ndërkombëtar në luftën kundër akteve terroriste, ju adreson këtë informacion të pranuar nga Zelanda e Re për largimin e pamjeve online të sulmit dhe njëkohësisht largimin e pamjeve me përmbajtje të kësaj natyre./a.meta
