Javën që lamë pas, në media janë publikuar shumë procesverbale nga marrja në pyetje e të pandehurve që akuzohen për vrasjen e dy grave. Njëra në Mallakstër dhe tjetra në Paskuqan të Tiranës.
Në këto procesverbale të akuzuarit për vrasje citohen të bëjnë akuza apo vlerësime të ulëta në adresë të viktimave që teksa dalin në media, fyejnë kujtimin e tyre dhe çorientojnë opinioinjn publik dhe duket sikur kanë për qëllim të relativizojnë krimin.
Por a ka bazë ligjore nxjerrja në media e këtyre procesverbaleve? A përbëjnë ato sekret hetimor, dhe nëse po: Kush mban përgjegjësi për nxjerrjen e tyre?
Ekskluzivisht, emisioni “Java në RTSH” ka arritur të marrë një qëndrim nga ana e Prokurorit të Përgjjthshëm në lidhje me publikimet e hetimit të këtyre dy vrasjeve dhe më gjerë…
Burime brenda organit të akuzës konfirmuan se: “Prokuroria e Përgjithshme do të vlerësojë faktet e ndodhura dhe në përputhje me kompetencat që i njeh ligji do të çmojë ndërmarjen e hapave të nevojshëm për trajtimin e rasteve të tilla dhe rasteve të tjerë të ngjashëm me synim për të rregulluar situata të tilla në të ardhmen”.
Analistët Prec Zogaj dhe Lorenc Vangjeli theksuan se është një rast i rrallë kur një institucion jep një përgjgije kaq të shpejtë, vetëm pak minuta para nisjes së emisionit.
“Rrallë ka ndodhur, madje unë nuk di ndonjë rast tjetër të një shpejtësie të tillë përgjigjeje nga një institucion shqiptar. Ne e nisëm zyrtarisht këtë pyetje vetëm pak caste përpara fillimit të emisionit dhe zyra e Prokrurorit të përgjithshëm Olsian Cela dha menjëherë përgjigje.
Një shenjë e mirë Prec, Prokurori i Përgjithshëm reagon menjëherë. Madje, sipas burimeve të mia, ky njeri i letrave të ligjit, është duke përgatitur një udhëzues për mënyrën e trajtimit të këtij shqetësimi.
Për rastin konkret, sipas ligjit për prokurorinë dhe decentralizmin e vendimmarjes së saj, raportin e titullarit me prokurorinë e rretheve, ne duhet të interesohemi konkretisht për Porkurorinë e Tiranës dhe të Fierit për të marë një përgjigje” – tha analisti Lorenc Vangjeli mbrëmjen e së premtes në panelin e emisionit “JAVA në RTSH”.
