Kompania Yahoo ka njoftuar se mbrëmjen e 14 dhjetorit një sulm masiv kibernetik ka prekur mbi miliard profile të saj. Numri i llogarive të sulmuara është dy herë më i madh se sa ai në sulmin e parë, që ndodhi në muajin shtator.
Kompania beson që incidenti i konfirmuar nga Yahoo mbrëmjen e 14 dhjetorit është ndryshe nga ai i ndodhur në muajin shtator. Yahoo thotë se sulmi mund të ketë marrë të dhëna si emrat, adresat e emaileve, numrat e telefonit, datat e lindjes, por jo fjalëkalimet në shkronja të qarta apo të dhënat bankare.
Megjithatë, të dhënat e kartelave të kreditit të klientëve të saj nuk besohet se janë prekur, njofton më tej kompania.Yahoo thotë se i ka njoftuar personat e prekur nga sulmi ndërsa ka ndërmarrë masa për sigurimin e profileve të tyre, duke kërkuar edhe prej përdoruesve që të ndryshojnë fjalëkalimet.
BW/d.i.