Vijon procesi në Gjykatën e Krimeve të Rënda ndaj të ashtuquajturit “grupi i xhihadistëve”.
Në seancën e sotme dëshmoi kryetari i Komunitetit Musliman Shqiptar Skënder Brucaj.
Ai tha para trupit gjykues se KMSH, nuk ka pasur dijeni për rekrutimin në ISIS të shtetasve shqiptar nga imamët e xhamisë së Unazës dhe Mëzesit në Tiranë. Brucaj tha se “këto xhami nuk kishin asnjë lloj varësie nga KMSH”.
Sipas tij, dy imamët e akuzuar, së bashku me disa persona të tjerë nuk janë emëruar nga KMSH.
Po ashtu Brucaj deklaroi para trupit gjykues se këto xhami, janë referuar në prokurori nën dyshimet se aplikohej islami radikal.
