Ministri i Brendshëm Fatmir Xhafaj ndodhet për një vizitë në Gjermani. Xhafaj ka takuar ditën e sotme Ministrin e Brendshëm të Landit të Bavarisë Joachim Herrmann, ku ata kanë diskutuar për rendin dhe sigurinë, marrëdhëniet dypalëshe dhe bashkëpunimin rajonal.
“Një pritje shumë e përzemërt dhe miqësore në Mynih nga Ministri i Brendshëm i Landit të Bavarisë z.Joachim Herrmann. Një takim pune shumë konstruktiv me të, ekipin e Ministrisë dhe Policisë bavareze për çështjet e rendit dhe sigurisë, marrëdhëniet dypalëshe dhe bashkëpunimin rajonal.
Vlerësime shumë inkurajuese nga ministri bavarez për reformat e qeverisë në fushën e drejtësisë e sigurisë. Vlerësime pozitive dhe mbështetje për punën e arritjet në luftën ndaj krimit te organizuar, @ForcaELigji, menaxhimin e kufirit, parandalimin e azilkërkimit, vetingun në polici.
Faleminderit miqve tanë bavarezë për mbështetjen në rrugën tonë europiane! Mirëpres vizitën e ministrit Joachim Herrmann në Tiranë!”, shkruan Xhafaj në Twitter pas takimit me ministrin gjerman.
ma.me
