‘Ju lutem, mos qëndroni në banesat tuaja nëse janë të dëmtuara derisa të bëhet ekspertiza e tyre’, kështu paralajmëroi Ministrja e Mbrojtjes Olta Xhaçka.
Në deklaratën për mediat, Xhaçka theksoi se banesat e dëmtuara janë të rrezikshme sa ditën e goditjes së fuqishme sizmike.
‘Sot ka nisur vlerësim i rrezikshmërisë së banesave nga ekipe shqiptare dhe të huaja. Sot jemi në gjendje të ofrojmë strehim, ushqim dhe veshmbathje’, shtoi Ministrja e Mbrojtjes.
Deri tani, ekipet ndodhen në Durrës, Thumanë, Laç e Lezhë, zona të cilat konsiderohet se janë më të prekura nga tërmeti i fuqishëm me magnitudë 6.4.
Ministrja Xhaçka tha se pas vlerësimeve nga eskpertët shqiptarë e të huaj, janë rreth 4 mijë banorë që nuk mund të kthehen në banesat e tyre për shkak të dëmeve nga lëkundjet.
/a.r
