Vendimi i Arsene Wengerit për ta lënë në stol Alexis Sanchezin në përballjen e së shtunës ndaj Liverpoolit mund ta shtyjë kilianin të largohet nga Arsenali, ka thënë legjenda e Arsenalit, Ian Wright.
E ardhmja e kilianit mbetet e paqartë, pasi është i lidhur me një largim nga Arsenali, dhe në humbjen prej 3 me 1 ndaj Liverpoolit trajneri francez Arsene Wenger vendosi që ta lë atë në stol, për ta aktivizuar në pjesën e dytë, transmeton Koha.net.
“Unë do të mendoja, ‘nëse nuk arrij të aktivizohem në këtë ekip, që u shkatërrua në Ligën e Kampionëve dhe nuk është në top katërshe, atëherë e di se ka ekipe tjera të interesuara’. Ai nuk ka asgjë për të humbur tani. Ishte ndeshje e çuditshme për ta lënë atë jashtë, kjo më habiti”, është shprehur Wright për BT Sport.
Sanchez është në mesin e top golashënuesve në ligë këtë sezon me 17 gola, përkrah Harry Kanet e Romelu Lukakus, dhe në aspektin e asisteve vetëm Christian Eriksen dhe Gulfi Sigurdson qëndrojnë më mirë, me nga dhjetë asiste, një më shumë se kiliani. (b.an)
