Kryeministri serb Aleksandër Vuçiç ka prodhuar sërish një lajm të jashtëzakonshëm, pas asaj që ka shtrënguar duart me kryeministrin kosovar. Ai deklaroi për AFP-në se shteti i tij do të pranojë thirrjet e SHBA-ve që të zvogëlojë varësinë nga gazi rus, duke shtuar një gazsjellës të përkrahur nga Amerika, që do të sillte gaz në Evropë nga Azerbajxhani.
“Sa i përket sigurisë energjike, jemi të gatshëm që të diversifikojmë burimet e gazit në Serbi, gjë që është shumë e rëndësishme edhe për miqtë tanë amerikanë”, deklaroi Vuçiq për AP.
SHBA-të kanë inkurajuar Ballkanin dhe shtetet tjera që të vazhdojnë me gazsjellësin Trans-Adriatik, që do të merr gazin azer nga Deti Kaspik në Itali, në vend të gazsjellësit rus nëpërmjet Turqisë. Perëndimi e ka akuzuar Rusinë për përdorimin e gazit si një mjet për të rritur influencën politike në vende si Serbia.
