“Pse i keni mitosur deputetët e Listës Srpska? Keni dashur t’i ndani nga Beogradi? Nuk ua rekomandoj që ta bëni këtë punë, nuk mund të fitoni”, ka thënë kryeministri serb Aleksandar Vuçiç, transmeton Koha.net. Kryeministri i Serbisë Aleksandar Vuçiç ka deklaruar se për murin në Mitrovicë është arritur marrëveshja më 8 dhjetor dhe ajo tani është zbatuar.
“Nuk e di pse dikush e dëshiron vazhdimin e ditëve me sherr, ende po pyetem për çfarë bëhet fjalë. E ata që shesin mend e flasin se serbët kanë lëshuar pe, iu propozoj që trimërinë ta dëshmojnë me vepra konkrete”, citon b92 të ketë thënë Vuçiç. Ai ka thënë se është ruajtur paqja dhe është mbrojtur rruga “Mbreti Petar” në pjesën veriore të Mitrovicës.
“Po habitem dhe nuk po ngazëllohem aspak se atë marrëveshje e arritëm më 8 dhjetor dhe të njëjtën edhe në Bruksel. Ende po shqetësohem dhe po habitem, dhe ende nuk kam marrë përgjigje, pse po atë mbrëmje nuk ka përfunduar e gjitha”, thotë Vuçiq.
Ai ka shtuar se nesër fillon ndërtimi i kompleksit me kopshtari dhe çdo gjë që duhet në përputhje me marrëveshjen.
“Beogradi po iu pengon? Pa thoni se Beogradi po ju pengon. Pse i keni mitosur deputetët e Listës Srpska? Keni dashur t’i ndani nga Beogradi? Nuk ua rekomandoj që ta bëni këtë punë, nuk mund të fitoni. Pres ata që më thonë në kam gënjyer ose në e kam thënë të vërtetën. Askush nuk mund të thotë nga BE që ende një pjesë të madhe të detajeve s’e kam thënë para qytetarëve”, ka përfunduar Vuçiç, cituar nga Koha. (b.an)
