Kryeministri serb, Aleksandar Vuçiç, i cili është kandidati kryesor për fitimin e zgjedhjeve presidenciale serbe të 2 prillit, hodhi poshtë sot me vendosmëri akuzat e kundërshtarëve të tij, sipas të cilëve fushata e tij është financuar nga manjatët dhe sipërmarrësit e pasur.
“Asnjë biznesmen nuk më ka dhënë një dinar. Jam krenar për ndershmërinë time”, deklaroi Vuçiç për gazetarët në Kopaonik, ku merr pjesë në një forum ekonomik tradicional që zhvillohet në këtë lokalitet turistik malor.
Vuçiç iu referua në veçanti akuzave të ngritura nga Vuk Jeremiç, ish-ministër i Jashtëm, edhe ai kandidat në këto zgjedhje presidenciale.
”Deri tani kam shpenzuar për fushatën elektorale 10 herë më pak nga kundërshtarët e mi, burimet e financimit të të cilëve nuk dihen”, theksoi Vuçiç./b.d
