Një person është gjetur i vrarë rreth orës 3 të mëngjesit në qytetin e Peshkopisë. Sipas policisë viktima është 42- vjecari Alban Kaloshi i cili rezulton se është goditur me një plumb në kraharor.
Ai është transportuar në spital nga dy persona të paidentifikuar të cilët u larguan me shpejtësi. Nuk dihet ende nëse kanë lidhje me ngjarjen.
Rrethanat e ngjarjes janë ende të paqarta dhe policia ka shoqëruar disa persona, të cilët janë parë me viktimën mbrëmjen e së enjtes.
Në duart e hetuesve është edhe telefoni i tij, ndërkohë që punohet për identifikimin e personave që kanë çuar në spital viktimën.
Njoftimi i policisë
Peshkopi,Dibër
Me datë 22.09.2017, rreth orës 03.30 tē mëngjezit në Sallën Operative të Drejtorisë Vendore të Policisë Dibër ka ardhur një telefonatë nga urgjenca e Spitalit Rajonal se ka ardhur i vrarë me armë zjarri shtetasi Alban (Gëzim) Kaloshi, 42 vjeç, banues në fshatin Blliçe ,Bashkia Dibër.
Menjëherë ka shkuar Grupi hetimor ku ka rezultuar se:
Dy persona ende të pa identifikuar nga Policia kanë çuar në urgjencën e spitalit pa shenja jete shtetasin A.K, dhe janë larguar pa u identifikuar në urgjencën e spitalit.
Nga kqyrja paraprake e bërë nga eksperti mjeko ligjor rezulton që viktima të jetë goditur me një plumb në kraharor.
Janë ende të pa qarta rrethanat e ngjarjes, kemi të bejmë me vrasje apo ngjarje aksidentale.
Grupi hetimor po punon për zbardhjen e ngjarjes.
Janë shoqëruar disa persona që kanë qenë të shoqëruar me viktimën në orë te ndryshme të mbrëmjes së djeshme.
Po bëhet kqyrja e telefonit të viktimës .
Si dhe po punohet për identifikimin dhe shoqërimin e personave që kanë çuar në spital viktimën.
a.ç
