Partia e Berluskonit kandidon pensionistin 65-vjeçar qe vrau një emigrant shqiptar, me pretendimin se ai kishte hyrë në shtëpi për ta grabitur.
Partia e ishkryeministrit Silvio Berluskoni, Forca Italia do ta kandidojë shtetasin Francesco Sicignano si këshilltar në zgjedhjet e ardhshme lokale në Milano, njoftojne mediat italiane.
Sipas tyre, Sicignano më 20 tetor qëlloi për vdekje në shtëpinë e tij, 22-vjeçarin shqiptar Gjergj Gjoni.
“Kam një respekt të madh për Silvio Berluskonin. Gjatë gjithë jetës sime kam votuar për Lëvizjen Socialiste Italiane, deri sa në zgjedhjet e fundit vota për Forca Italia. Ne punojmë për pronën që është e drejtë e shenjtë për t’u mbrojtur. Kjo nuk do të thotë se çdokush duhet të ketë armë, por ata që dinë sesi t’i menaxhojnë”, tha pensionisti italian.
Ngjarja e vrasjes se shqiptarit ende nuk është zbardhur ndersa forcat politike në Itali janë rreshtuar krah pensionistit kush e kush ta mbeshtese me shume. “Ne nuk duam të jemi parti “Far West”, por duam siguri për të gjithë qytetarët në shtëpitë e tyre që i kanë ndërtuar pas suhmë vitesh sakrifica”, tha Fabio Altitonante, koordinator kombëtar i Forca Italia.
