“Komandot që kthehen nga misione ushtarake e kryejnë krime janë problem të gjithë ushtrive në NATO apo dhe vendeve që nuk janë pjesë e NATO-s.”
Ka qenë ky komenti që ka bërë sot ministrja e Mbrojtjes, Mimi Kodheli pasi është pyetur në lidhje me ngjarjen rëndë ditën e djeshme, ku një ish komando në Afganistan theri me thikë fqinjin e tij në Këlcyrë.
Ndër të tjera, ajo theksoi se trupat ushtarake trajtohen me psikologë para se të hyjnë në mision, por edhe pas kthimit në atdhe.
“Nuk është problem vetëm në Shqipëri. Dinamika e shërbimit të tyre është e tille. Komandot trajtohen me psikologë pas misionit, por vetëm gjatë kohës kur janë në ushtri. Kur ata largohen nga ushtria shoqëria duhet të jetë më e ndjeshme ndaj tyre. Para se të futen në ushtri atyre u behet test psikologjik. Me parë nuk behej testi, por tani pas vitit 2013 ka nisur selektimi. Nga 1000 aplikantë fitojnë vetëm 200. Kemi nevojë për një seleksionim me të mirë të ushtarëve. Ish komandoja tek rasti i Këlcyrës është bërë pjesë e forcave të armatosura në vitin 2009 dhe është larguar në 2012”- tha Kodheli./express/a.k
