Njëri viktimë dhe tjetri autor i ngjarjes së rëndë që tronditi një Shqipëri të tërë. Bëhet fjalë për Dritan Haxhollin dhe Bledar Toçin, të cilët sipas një fotoje të dërguar në redaksinë e “JOQ Albania”, para se të ndodhte vrasja, kanë pasur njohje dhe pozonin së bashku duke treguar armët.
Nuk dihet sa të ngushta i kishin marrëdhëniet viktima dhe autori, por me siguri mund të thuhet se ata shoqëroheshin herë pas herë, gjykuar edhe nga fakti se qarkullojnë foto të të dyve.
Viktima Dritan Haxholli ishte person në kërkim nga policia e Kavajës, por kjo nuk e pengonte të endej i lirë në qytet. Sipas disa qytetarëve, në qytetin ku ndodhi ngjarja Haxholli kishte marrëdhënie të mira me policët e Kavajës, saqë këta të fundit nga frika detyroheshin t’i bënin xhiro me fugonin e policisë.
Një qytetar i Kavajës për “JOQ Albania” ka shkruar: “Dritani ka qenë aq problematik sa detyronte dhe policët e komisariatit të Kavajës t’i bënin xhiro me fugonin e policisë.” /l.m
