Kryetari i Kuvendit Ilir Meta dënon me ashpërsi aktin barbar në të cilin humbën jetën në mënyrë brutale dy turistë çekë, të cilët kishin zgjedhur të vizitonin Shqipërinë këtë verë.
Nëpërmjet një deklarate për shtypin, Meta shpreh solidaritetin me familjarët e viktimave, dhe kërkon nga organet e zbatimit të ligjit, të vendosin përpara drejtësisë, autorët e këtij akti barbar:
Deklarata e Metës:
Kryetari i Kuvendit Ilir Meta dënon me ashpërsi aktin barbar në të cilin humbën jetën në mënyrë brutale dy turistë çekë, të cilët kishin zgjedhur të vizitonin Shqipërinë dhe shijonin mikpritjen dhe bukuritë e saj.
Z. Meta u shpreh të gjithë solidaritetin familjeve te dy turisteve të vrarë dhe kërkon nga organet e zbatimit të ligjit të veprojnë me shpejtësi dhe vendosin përpara drejtësisë autorët e këtij akti barbar, i cili bie ndesh me traditat e mikpritjes, bujarisë dhe besës së krahinës së Dukagjinit dhe gjithë popullit shqiptar.
Z. Meta thekson se akte te tilla dëmtojnë rëndë imazhin e vendit si një destinacion turistik dhe kërkon nga organet kompetente të marrin të gjitha masat që raste te tilla te mos përsëriten në të ardhmen.
