Vrasja e teknikut të kondicionerëve, del nga qelia Albano Kusi

lbano Kusi, vëllai i Griseldo Kusit, që akuzohet nga prokuroria e Tiranës për vrasjen e puntorit të kondicionerëve Indrit Çelaj, është liruar nga burgu.

Pas vrasjes së Çelaj, ngjarje kjo e ndodhur në muajin gusht 2019, është vetëdorëzuar në policinë e Tiranës, Albano Kusi. Ky i fundit është vëllai i autorit të krimit dhe u vetëdorëzua në policinë në muajin nëntor 2019. Gjykata vendosi të caktojë masën e sigurisë “arrest në burg” për Albano Kusin, pasi ndaj të cilit prokuroria e Tiranës kishte ngritur akuzën e ”Veprime që pengojnë zbulimin e të vërtetës” dhe ”Moskallëzimit të krimit”.Por pas pesë muaj qëndrim në qeli, Albano Kusi, ka mundur të dalë nga burgu, pasi Gjykata e Apelit Tiranë, ka vendosur të zbusë masën e sigurisë ndaj këtij të arrestuari, duke vendosur “arrest shtëpie” për të. Me sa duket Kusi, ka shfrytëzuar këtë situatë ligjore duke kërkuar zëvendësimin e masës së sigurisë në këtë periudhë pandemie të virusit COVID-19.

Kërkesa e tij është pranuar nga një trupë gjykues e gjykatës së Apelit Tiranë. Ndërkohë të pandehurit e tjerë për këtë ngjarje të rëndë të ndodhur në qendër të Tiranës, janë Bujar Kusi, për akuzën e ”Veprime që pengojnë zbulimin e të vërtetës” dhe ”Moskallëzimit të krimit”, Luan Çaka, Ferdinand Bakalli, Agron Hasrama dhe Ali Sula. Të gjithë këta persona momentalisht janë të izoluar në burg dhe që presin të dalin para gjykatës, pasi çështja për vrasjen e Indhrit Çelaj, tashmë është dërguar në gjykatë. Së bashku me ta, në burg është dhe Griseldo Kusi, autori kryesor i vrasjes së Indrit Çelaj, i cili akuzohet për “Vrasje me dashje” dhe “Mbajtje pa lejë të armëve luftarake”.

g.kosovari