Pas vrasjes së gjyqtares Fildeze Hafizi në mes të Tiranës nga ish-burri i saj, policia është vënë në lëvizje për të parandaluar rastet e dhunës në familje.
Reagimi i uniformave blu ka ardhur edhe pas thirrjes së drejtorit të Policisë së Shtetit, Haki Çako, për të qenë më vigjilent ndaj këtyre rasteve.
Dy persona janë arrestuar gjatë 24 orëve në Tiranë dhe në Kavajë për dhunë në familje.
Policia njofton se Qani Muça 50 vjeç nga Tirana u arrestua pasi ushtroi dhunë fizike dhe psikologjike ndaj gruas S.Muça 44 vjeç dhe vajzës së mitur G.Muça 11 vjeç.
Gjithashtu, në Kavajë është arrestuar Antonio Hyseni 35 vjeç, i cili ka ushtruar dhunë fizike ndaj bashkëshortes U.Hyseni 29 vjeç.
Kjo e fundit është e pajisur me urdhër-mbrojtje nga gjykata
a.ç
