Dy njerëzit e fuqishëm të Rilindjes, që po marrin pushtet brenda Partisë Socialiste, kanë pasur dhe preferencat e tyre për lobim brenda PS, shkruan Tema.
Koço Kokëdhima dhe Vangjush Dako, i pari si njeriu më i fort i Jugut dhe tjetri i Shqipërisë së Mesme, kanë shpërndarë në Asamblenë e PS listat e tyre preferenciale për të votuar për anëtarë kryesie.
Lista e Kokëdhimës, kishte në krye të saj Ministrin Arben Ahmetaj, jo se e mbështet, por e shikon si problem luftën me të në Gjirokastër, pastaj Armando Subashin, Bledi Klosin, Damjan Gjiknurin, Erion Veliaj, Fatmir Xhafaj, Ulsi Manaj, Vangjush Dako, Ditmir Bushati, Saimir Tahiri, Niko Peleshi, Pandeli Majko, Qazim Sejdini. Nëse e shikon këtë listë bie në sy se përveç Ahmetaj dhe Veliaj që kanë qenë deputet të Jugut, në listë nuk është përfshirë fare Erion Braçe dhe Taulant Balla, dy deputetët më luftarakë të PS në Kuvend. Por nga ana tjetër duket se dhe ata që ka vënë Kokdhima në krye të listës kanë marrë më pak se ata që ka në fund të listës. Kjo tregon se ai është ende alergjik në Asamblenë e PS.
Nga femrat Kokëdhima ka lobuar për këtë grup: Eglantina Gjermeni, Evis Kushe, Ermonela Felaj, Lindita Nikolla, Mimi Kodheli, Orgeta Manastirliu, Vasilika Hysi, por këtu ndikimi ka qenë më i vogël.
Në listat që kanë shpërndarë mbështeësi e Dakos ka pasur këtë renditje: Armando Subashi, Bledi Klosi, Damian Gjiknuri, Ditmir Bushati, Erion Veliaj, Niko Peleshi, Pandeli Majko, Saimir Tahiri, Qazim Sejdini. Lista duket identike me të Kokdhimës. E përbashkëta veç renditjes, është dhe mungesa e Ballës dhe Braçes në të dy listat.
Tema
