Policia e Vlorës ka finalizuar Operacionin e Koduar “PORTOFOLI”, ku është arrestuar një çift, i cili në bashkëpunim me njëri-tjetrit vidhnin shuma të mëdha parash nga persona të ndryshëm.
Sipas njoftimit të Policisë Vlorë mësohet se të arrestuar janë Fodion Cepaj, 31 vjeç,, banues në lagjen Ujë i Ftohtë, Vlorë, si dhe bashkëshortja e tij me të cilën bashkëpunonte. Gjatë hetimeve disa javore, sqaron Policia e Vlorës, nga Seksioni për Krimevet, ky shtetas në bashkëpunim me gruan e tij, shtetasen: E.Thanasi, 17 vjeç, organizoheshin dhe kryenin këtë vepër penale, të përsëritur. Çifti “burrë-grua”, kanë kryer 6-Vjedhje radhazi në periudha të ndryshme.
Sipas policisë, fillimisht këta shtetsa kanë vjedhur një dyqan rrobash më datën 5 qershor 2015 në lagjen pavarsia, ku kanë përfituar rreth 28 000 lekë. Më datë 20.06.2015, në lagjen Pavaresia, në një dyqan rrobash, në pronësi të shtetases: M.V. kanë vjedhur nje portofol me 120 euro dhe 20.000 lekë (të reja). Po ashtu më datë 21.06.2015, në lagjen Pavaresia, në butikun e rrobave Prestigj, në pronësi të shtetases, Z.V. kanë vjedhur nje portofol me 98.000 lekë (të reja).
Gjithasthu dhe dy ditë më parë çifti ka vepruar në lagjen Lef Sallata, në nje dyqan rrobash, në pronësi te shtetases: S.V, ku kanë vjedhur një portofol me 5.000 lekë (të reja). Sipas dokumentimit të Policisë, në total, çifti ka vjedhur dhe përvetësuar rreth 203.000 lekë (të reja) plus 170 EURO.
Policia e Vlorës ka filluar proçedimi penal në gjendje të lire për shtetasen: E. Thanasi për veprën penale “Vjedha e kryer në bashkëpunim”. Materialet iu referuan Prokurorisë së Vlorës për veprime te mëtejshme proçedurale.
