Zbulon dhe asgjëson 9 parcela me 14.205 rrënjë bimë narkotike “Cannabis sattiva”, të mbjella në 6 fshatra në të gjithë qarkun e Vlorës.
Arrestohen në flagrancë 4 autorë (kultivues).
>> Në fshatin Kuç – Vlorë, është gjetur dhe asgjësuar 1 parcelë me 1200 rrënjë bimë narkotike, me lartësi deri në 40 cm. Arrestohen në flagrancë 2 kultivuesit e këtyre bimëve narkotike, shtetasit e quajtur:
- Qemal Baraj, 50 vjeç, banues në fshatin Llakatund – Vlorë.
- Virion Baraj, 33 vjeç, banues në fshatin Bishan – Vlorë.
>> Në fshatin Mekat – Vlorë, është gjetur dhe asgjësuar 1 parcelë me 800 rrënjë bimë narkotike, me lartësi deri në 45 cm. Arrestohen në flagrancë 2 kultivuesit e këtyre bimëve narkotike, shtetasit e quajtur:
- Orges Feta, 25 vjeç, banues në fshatin Shushicë – Vlorë.
- Anastas Bregaj, 38 vjeç, banues në fshatin Llakatund – Vlorë.
Gjithashtu, Policia ka zbuluar dhe asgjësuar edhe 7 parcela të tjera me 12.205 rrënjë bimë narkotike, të mbjella në 4 fshatra të Vlorës (Armën-Vlorë, Dushkarak-Vlorë, Dhrovjan-Sarandë dhe Vergo-Delvinë), me lartësi qe varionin deri në 100 cm.
Policia ka bërë asgjësimin e bimëve narkotike me djegie. Punohet për identifikimin dhe kapjen e kultivuesve të tjerë./a.m.
