Ministri i mbrojtjes i Serbisë, Aleksandar Vulin, e ka përsëritur mbështetjen e tij për personin e dënuar për krime të lufte, reagim që vjen pas kritikave të ambasadorit amerikan.
Ministri Vulin e ka lavdëruar ish-gjeneralin, Vlladimir Llazareviç, i cili është i dënuar me 14 vjet burg nga Tribunali i Hagës për krime lufte, për mizoritë e kryera nga trupat serbe në Kosovë, gjatë goditjes kundër shqiptarëve në vititn 1999, raporton agjencia AP nga Beogradi.
Ambasadori amerikan në Serbi, Kyle Scott, në rrjetin Twitter ka shkruar se muajt e punës për ta përmirësuar imazhin e Serbisë në Shtetet e Bashkuara mund “të shkatërrohen me një deklaratë të vetme”. Ai i referohej Vulinit, i cili publikisht e lavdëroi Llazareviçin.
Minsitri Vulin i tha sot Televizionit proqeveritar Pink, se “gjenerali Llazareviq është njeri i nderuar dhe trim dhe nuk ka ushtri në botë, që do të hiqte dorë nga ai”./a.m.
